interprete
/-èr-/
in|ter|pre|te
[CO]
-
s.m.
cui che al fâs une traduzion a vôs, simultanie o consecutive:
la vuardie [todescje] mi capite dongje a sec cul interprete ma o resti di clap co o viôt che no berle e mi dîs "Cjape sù svelt chê pale e il picon e spessee a lavorâ. […]" (Ivano Urli, Storie di Min)
Cfr. tradutôr
-
s.m.
cui che al cîr di capî e di pandi il significât profont di alc, di intindi intune cierte maniere un ogjet, une situazion, une espression e v.i.:
i grêcs antîcs a cjapavin une vore sul seri i lôr insiums e a domandavin di capî il significât des lôr visions onirichis ai interpretis dai insiums (Anastasia Fabbro, Franc Fari, Sui insiums di Aelius Aristides: une analisi neuropsicologjiche)
-
s.m.
(fig.)
atôr, cjantant o musicist che al fâs une part o al sune alc:
la esecuzion e je afidade a doi zovins interpretis furlans: Elsa Martin, cjantante impegnade in diviersis formazions musicâls di jazz e musiche improvisade e vincidore di cetancj premis cualificâts, e il pianist Matteo Andri (Erika Adami, "Amôrs" in musiche)
-
s.m.
(fig.)
cui che al puarte indevant un messaç, un motîf, une cause cun interès coletîf:
partîts e moviments che si presentin tant che i interpretis plui autentics des dibisugnis, dai dirits e des rivendicazions des minorancis (Marc Stolf, In aule plui ecologjiscj, regjonaliscj e nazionalitaris progressiscj)