interessâsi
in|te|re|ssâ|si
[FO]
-
v.pron.intr.
vê interès, curiositât, passion, par alc:
Pezzè si jere ancje lui interessât ae furlane e tal 1962 al veve publicât in Avanti cul brun! … un saç su cheste danze (Pierluigi Visintin, Friûl e furlans te Histoire de ma vie di Giacomo Casanova);
la plui part [di zovinis che a visitavin il patrimoni artistic dal convent] si interessavin dai cuadris e des spiegazions dal bon frari (Zuan Lurinçon, La Madalene)
-
vê intenzion di comprâ o di vê un ben, un servizi e v.i.:
magari cussì no, nissune emitente si è interessade al progjet, che nol è mai lât in onde (Fabian Ros, Interviste cun Giorgio Cantoni)
-
v.pron.intr.
calcolâ che alc o cdn. a sedin impuartants e impegnâsi par lôr:
cu la aprovazion de leç regjonâl n. 15 dal 1996 si vierç une situazion gnove par Onde Furlane e par dutis lis realtâts che si interessin de promozion dal furlan (Max Mauro, Un Friûl difarent: i 90 mhz di Onde Furlane);
bastarès che chest benedet popul, che al vûl dî ducj i citadins, corponon!, al si interessàs dai afârs publics come che al è il so dirit e che al varès il dovê di interessâsi (Guido Antonioli, Florean dal Palaç, I, 1)
Sin. ocupâsi
, viodi
, impegnâsi
-
vê cure di cdn.:
e jere jê che i lavave la cjamesate, che i faseve il jet, jê, insome, che si interessave di lui, biadat (Pieri Menis, A uciei cu lis archetis)
-
v.pron.intr.
domandâ informazions su cdn., in segn di afiet, di preocupazion e v.i.:
e lôr a domandâi… a volê savê… a interessâsi a chês stiletadis tal cûr che e diseve di patî (Maria Forte, La tiere di Lansing);
"[…] tu, tu mi âs dit ne volte, e la ai simpri tignude a ments, che ognun devi impaçâsi tai siei afârs. […]." "Ma jo devi interessâmi tai tiei. Vuei savê subit." (Anute Fabris, A passe la scalmane)