ingrassâsi
in|gra|ssâ|si
[CO]
-
v.pron.intr.
deventâ gras o plui gras:
o ai tacât a mangjâ misdì e sere paste sute par ingrassâmi un fregul (Arturo Feruglio, El sardelon);
cul stâ simpri dibant al si ere tant ingrassât che un brâf muridôr di Monastîr al veve scugnût slargjâi dutis lis puartis (Guido Michelutti, Il capostazion di Bielvedê)
Sin. ingrassâ
-
v.pron.intr.
(fig.)
deventâ plui siôr, ingrumâ ricjecis, sostance, patrimoni:
la proprietât si sfruçonave un bocon a la volte, e il fatôr si ingrassave ogni dì di plui (Gianni Gregoricchio, Îr e doman);
chei dongje a si ingrassavin simpri plui e alc dal lôr bielstâ al travanave ancje in Friûl (Francesc Placerean, Cuintristorie dal Friûl dal 1866 fint in dì di vuê)
-
v.pron.intr.
(fig.)
jemplâsi di sodisfazion, di contentece, di bon umôr:
ducj a fasevin di sì cul cjâf e a saludavin mestri Checo, lant fûr de buteghe e lui, fasint fente di no dâur bade, si ingrassave di un chilo (Roberto Ongaro, Cretevierte);
biât omp, si ingrassave a fuarce di ridi (Alan Brusini, Un dai pôcs)
-
v.pron.intr., v.pron.tr.
cuinçâsi, cuvierzisi, lubrificâsi o sporcjâsi cul gras:
zirin planchin, planchin sul spêt i uciei, / si ingrasse la polente ta golose (Alfonso Deperis, Autun)
Sin. onzisi