inglaçâ
in|gla|çâ
[CO]
-
v.tr.
fâ deventâ glace, fâ che la aghe e deventi solide par vie dal frêt
Sin. glaçâ
-
v.tr.
cuvierzi di glace o fâ deventâ dûr pe presince de glace:
el Unviar al scomençave a inglaçâ la tiare (Dolfo Carrara, Eh! in chist mont, par doventâ siôrs, si dovi robâ)
Sin. glaçâ
-
v.tr.
(ancje iperb.)
disfredâ une vore, fâ sintî une vore di frêt, in câs ancje causant necrosi dai tiessûts organics:
il frêt ur inglaçave lis orelis e la ponte dal nâs (Gianni Gregoricchio, Lilie)
Sin. glaçâ
-
v.tr.
(fig.)
causâ une impression negative, une emozion che e bloche:
"Muarte!" dissal Cuesim, e la peraule e inglaçà il cûr (Dino Virgili, La aghe da pît la cleve)
Sin. glaçâ
-
v.intr.
ancje impers., deventâ glace, formâsi de glace:
alore tocjave cjariâ dîs, cuindis, ancje disevot cuintâi di blave e lâ a masenâ tes risultivis dal Bas Friûl, tal Mulin di Navuac, tal Mulin di Punt, dulà che no inglaçave mai (Augusto Geat, Il mulin di Spessa);
cuant che e inglaçave si lave cu la slite (Delchi Tirel, La cjase sul fossâl)
Sin. glaçâ
Proverbis:
- sant Valantin al inglace la roie cun dut il mulin
