inflamât
in|fla|mât
[CO]
-
p.pass., adi.
viôt inflamâ
; viôt inflamâsi
-
adi.
cjapât des flamis, dal fûc
Sin. piât
, impiât
-
che al à il colôr dal fûc, ros o zâl:
cjalaitlis cetant bielis tal Istât, / cu la cotule curte, cuasi sore / i zenoi; e sul cjâf, ros, inflamât / un façolet (Emilio Nardini, Lenghe e dialet)
-
une vore cjalt:
al jere come se fossin coladis gotis di aghe glazade su une lastre inflamade, pareve che frizessin (Maria Gioitti del Monaco, Arbe mate)
-
(fig.)
plen di passion, amôr, rabie o altri che si puedi paragonâ cul fûc:
e possidents e massârs e sotans / e son ducj inflamâts par il lavôr (Pieri Çorut, Il domo di Bolzan);
si alce impins il so avocat / che inflamât al improvise / une splendide difese (Zaneto, Il purcit di S. Antoni)
-
adi.
[CO, TS]
med.
dal organisim o di une sô part, che al presente une reazion di inflamazion, jessint plui cjalt, sglonf, sensibil al dolôr:
solevâ i dolôrs del braç inflamât (Giuseppe Ferdinando del Torre, Il contadinel. Lunari par l'an 1858);
la man çampe e jere sglonfe, inflamade e cu lis pontis dai dêts smacaiadis e neris di sanc imbrucjît (Roberto Ongaro, Il muc)
