infedêl
in|fe|dêl
[CO]
-
adi., s.m.
che, cui che nol rispiete une promesse o un impegn di fedeltât, soredut in riferiment ae fedeltât sentimentâl e sessuâl:
i zovins a voressin jessi fedêi ae persone che i vuelin ben, ma no rivin a tant; i vecjos a voressin jessi infedêi, ma ancje lôr no rivin a tant (Gianni Osualdini, Il Strolic furlan pal 1994)
Sin. traditôr
-
che, cui che al tradìs, ancje no intune relazion sentimentâl o sessuâl:
eco Jude, l'Apuestul infedêl, / che al busse il so Maestri, e lu tradìs (Zuan Batiste Galeri, Il furlan a messe)
-
che, cui che al imbroie, che al ingjane cdn. che si fide di lui:
fasint il cont / dei bêçs, dal infedêl fatôr rubâts (Zuan Luîs Filli, Almanac di Guriza par l'an comun 1857);
dopo vê parât fûr de stanze a fuarce di pîts tal cûl el gastalt infedêl, sprofondât te poltrone al tabacave, al starnudave e al pensave (Arturo Feruglio, La manie)
-
(fig.)
ancje di alc, che nol sucêt o che nol da i risultâts cemût che si spietavisi:
ma infedêl la chitare / e mande un son ingrât che mi confont (Pieri Çorut, Pes gnocis Fabris-Bearç)
-
[LE]
(fig.)
ancje di alc, che no si pues fidâsi, che nol è sigûr:
tu, che lontan / ad un mâr infedêl fidis la vite (Ermes di Colorêt, I, 188)
-
adi., s.m.
che, cui che al à une fede religjose diferente e calcolade false, in gjenar intes relazions conflituâls jenfri cristians e musulmans:
te gjonde pe vitorie sui turcs, lis racueltis celebrativis che a esaltin Vignesie e a dan cuintri al nemì infedêl (Cristina Cescutti, Leterature furlane);
la fede musulmane come arme e come disfide al Ocident capitalist, dissolût e infedêl (Renzo Balzan, E jere une volte la Cecenie)