industriâl
in|dus|tri|âl
[FO]
-
adi.
che al rivuarde la industrie:
[tor la metât dal Votcent] in Europe a jerin partîts di plui bandis la jevade industriâl e la cressite demografiche parie cul inurbament (Adrian Cescje, Liniis di storie sociâl e economiche dal Friûl 1500 - 1800);
[in Friûl par vie de prime vuere mondiâl] no jerin dome i muarts, i mutilâts, i invalits […] ma ancje l'85% dal patrimoni industriâl pierdût, il 90% dal besteam copât o robât, plui di 100.000 edificis sdrumâts (Carli Pup, La seconde Irlande)
-
che al è fat de industrie:
atenzion ai prodots industriâi: cierts strucs o netars di pomis […] dispès a contegnin tant zucar e pocjis fibris (Guglielmo Pitzalis, Mangje san 2)
-
che al à industriis, caraterizât di industriis:
la omologazion e devente plui rapide tes societâts industriâls maduris (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
di edificis o complès di edificis, dulà che a son industriis:
un capanon industriâl […] si po fâlu in cuindis dîs (Riedo Pup, Ocjo di no pintîsi)
-
s.m.
cui che al à o che al dirêç une o plui industriis:
Tal 1872 e tache la sô ativitât la Bancje di Udin, cul sburt dal industriâl seric Carlo Kechler (Elio Varutti, Il Risorziment a Martignà);
i nazionaliscj, i grancj industriâi, i banchîrs, i filibustîrs des armis a vevin dit une sole peraule. VUERE! (Checo Tam, Just, cence di)
Sin. imprenditôr
, impresari
, industriant