incussience
/-èn-/
in|cu|ssi|en|ce
[CO]
-
s.f.
il no jessi cussient, il no vê percezion sensoriâl e razionâl de realtât che e je ator:
[i laments dal malât] a mostravin cumò, si varès dit, plui che dolôr vêr, la maravee infantîl di chel che, te incussience di un sium penç, si sinti disturbât di une moscje dispetose (Amedeo Giacomini, Tal ospedâl)
Var. incussienzie
, incossience
, incossienzie
-
s.f.
mancjance di cussience, di prudence, di sintiment, di razionalitât tal sielzi e tal fâ:
la amoralitât dai guviers e la incussience dal popul a son malatiis cronichis (Josef Marchet, Dissipline);
mi sburtave la convinzion de necessitât de opare e mi sostignive une sorte di incussience otimistiche (Adrian Cescje, Memoriis di politiche linguistiche)
Sin. imprudence
, iresponsabilitât
, matetât