incjarnât
in|cjar|nât
[CO]
-
p.pass., adi.
viôt incjarnâ
, viôt incjarnâsi
Var. incarnât
-
adi.
jentrât te cjar:
tal vîf, spinis e clauts incjarnâts... (Dino Virgili, Plait di Setemane Sante)
-
di ongule, cressude dentri de cjar, tant di ferîle e infetâle:
se a i capitava mai na bisinela di mâl: na critura da disinfetâ, una ongula incjarnada o alc altri al trimava comi na foia di poul (Aldo Tomè, Barba Bortul - Il Strolic furlan pal 1999)
-
(fig.)
che al è jentrât insot, indentri in cdn. o in alc fin a fâ part di cdn. o di alc:
il cavalîr pe musiche al à une passion incjarnade (Alan Brusini, Al Macalè)
-
adi.
che al è deventât di cjar, di cuarp:
li animis di chei muarts di muart violenta a restavin su chista tiara, incjarnadis tai gjats marangui (Popolâr - Istitût di Ricercje Achil Telin, Al gjat marangul - Tiaris di Aquilee. Gnove racolte)
-
adi.
che al da o che al cjate rapresentazion o realizazion corporie o concrete, fisiche:
une religjon incjarnade, concrete, vive, incuietant e rivoluzionarie (Antoni Beline, Autonomie come categorie spirituâl)
-
s.m.
piel di une persone, calcolade pal so colôr, pal so aspiet:
si viodeve la panze sclagne e lis tetis dal dut discuviertis. La piel lisse, blancje e lusinte cui botonuts a spiç di un incjarnât plui scûr (Andree Daidussi, Il sarpint);
Lulù e jere vistude cuntun rochet blanc che a i marcave l'incjarnât indorât de piel slisse (Fabian Ros, Eivissa mon amour)
Polirematichis e espressions idiomatichis
