incjant2 /-ànt/ in|cjant [CO]
-
s.m.
vendite publiche o stipule di contrat publiche li che la marcjanzie o il contrat si dan a cui che al ofrìs di plui:
la aste scomençarà sabide vot, / e, da cuant crôt, lis stimis no son cjaris: / sa si sa che si vent a pronts contants, / come l'è di sisteme in ducj ju incjants (Pieri Çorut, Tamburade II);
al si pensà alora di vualê fâ cualchi afâr; cjolè al incjant la fitança di una val cul dirit de la pescja par plui agn (Federigo Comelli, Il me paîs)
Sin. aste