Dizionari de Lenghe Furlane

incalm  /-àlm/  in|calm  [CO, TS]

1. s.m. agr. tecniche e procediment e forme di meti un voli o une menade taiâts vie di une plante a cressi suntune altre plante, li che si prepare une sezion di pueste, di mût che la part che e cres e sedi plui fuarte cuintri di malatiis, bestiis o cundizions climatichis:  un grant espert di incalms di perarias e melarias (Martino De Parto, Un tipo speciâl)
   Sin. insêt , insedadure
2. s.m. agr. voli o menade di une plante che si metin a cressi suntune altre o part di plante cressude di chel voli o di chê menade:  cui mai dirà che i biei zermois nassûts / da chest incalm, formât cussì feliç, / no daran fruts di glorie e di virtûts? (Gabriel Pacian, Se si incalme un ramet di len zintîl)
   Sin. calme² , insêt
3. s.m. (fig.) element diferent che si zonte e si messede cun alc altri, cambiantlu:  no vuei dineâ la impuartance di une etnie origjinarie, ma ben ricognossi di cûr il contribût determinant dai umôrs e dai incalms rivâts culì di ogni bande e in ducj i timps (Lelo Cjanton, Friûl di vuê e di doman)
4. s.m. edil. piçule poie pai cjâfs des trâfs che a tegnin sù puiûi, teracins e v.i.