Dizionari de Lenghe Furlane

in cressi    [CO]

1. loc.adi.inv. di cdn., di une bestie, di une plante, di une part dal organisim e v.i., che al è daûr a deventâ grant:  "Lavore, Deline, ten cont di chês bestiis che a son in cressi, e ancje la blave…" (Dino Virgili, La massarie)
   
   1. ancje di une struture, di une ativitât, di une dinamiche e v.i., che e je daûr a cjapâ fuarce, a cressi di numar, di volum, di impuartance e v.i.:  la cunvigne dal 1999 si metè intune une sorte di beorcje tra la linguistiche academiche, autoreferenziâl e inutile pe nestre politiche linguistiche, e chê extraacademiche in vie di formazion, ma in cressi e produtive di struments necessaris pal status de lenghe (Adrian Cescje, Memoriis di politiche linguistiche)
2. loc.adi.inv. di vistîts, scarpis e v.i., che a son di misure plui grande, soredut in prevision che cui che ju dopre al deventi plui grant:  la sartore le indreçave, po, e taiave, e ingasiave, e inflochetave e e diseve ancje, che al jere miôr fâ dut… in cressi. E la Anzuline e sbassave i voi e e deventave dute rosse (Maria Forte, Cjase di Dalban)
   Sin. sul cressi

Components:

• cressi v.intr., v.tr.