in comedon
[CO]
-
loc.av., loc.adi.inv.
distirât o sentât poiant il comedon di cualchi bande:
il cjaradôr al jere inçussît, pognet di une bande, in comedon, e la man tal smursiel fin te orele (Dino Virgili, La aghe da pît la cleve)
-
loc.av., loc.adi.inv.
(ancje fig.)
cu lis maniis tiradis sù, soredut par podê lavorâ:
"Ca dentri a parin bon feminis ravaiadis in comedon, tiradis sù in codêt e che a ur burlin lis cotulis… Chês a pararessin bon, no chês che o mi capìs jo…" (Anute Fabris, A passe la scalmane);
par vivi duncje bisugnave movisi, tirâsi sù in comedon, tornâ a fâ il fagot e metisi in viaç a cirî il pagnut pal mont (Pieri Menis, Chei di Muraie)
Components: