imbeverâ
im|be|ve|râ
[CO]
-
v.tr.
fâ bevi, soredut puartâ a bevi lis bestiis:
tocjant il sivilot / torne il pastôr dal prât, e a la fontane / al va di tire a imbeverâ la pline (Pieri Çorut, La gnot di Avrîl);
polsâ un moment ad ôr di une aghe, imbeverâ lis bestiis scunidis e po tornâ a lâ (Dino Virgili, La aghe da pît la cleve)
Sin. beverâ
-
v.tr.
(fig., coloc.)
dâ di bevi alcolics:
al pative, vadì, ancje il mâl… dal bocâl, ma no par se, pitost par imbeverâ i amîs. Che nol podeve stâ cence di lôr (Maria Forte, Mabile la Lunghine)
Sin. beverâ
-
v.tr.
(fig.)
fâ crodi alc a cdn., ancje imbroiantlu:
mi veve ben imbeverât par cuinçâmi al pont di no rivâ a capî cemût che l'imbroi al passave sot il gno nâs! (Popolâr - Gianni Moroldo, Teresa Mainardis, Le gnove femine di Sant Pieri - Il soreli tal casson)
Sin. beverâ
