Dizionari de Lenghe Furlane

gusiele  /-iè-/  gu|sie|le  [AF]

1. s.f. piçule astute di metal, plui o mancul fine, di une bande a ponte, di chê altre cuntune buse par fâ passâ il fîl e podê cusî, ricamâ e v.i.:  al veve ancje pôre di ruvinâ i vistîts, che za a vevin bisugne di mestri ancje masse dispès. Al veve comprât fîi e gusielis, e ju comedave miôr che al podeve (Carlo Sgorlon, Prime di sere); une fantate sentade tal curtîl che e lavore di blanc cu la gusiele (Alan Brusini, Par stradis lungjis)
   Var. gusele
   
   1. astute di metal a ponte, ma cence la buse, dome par fermâ, no par passâ il fîl e cusî, viôt gusiele di pomul , viôt gusiele di boton
   2. (fig.) robe minime, di pôc o nissun valôr:  ta chês letaris si fevelave di une ereditât, e di chê no jerin rivâts a vê nancje une gusiele (Agnul di Spere, I prâts des Savodagnis)
2. s.f. ponte metaliche de siringje, vueide par dentri, doprade par fâ punturis o par tirâ fûr licuits:  une infermiere […] e faseve il so podê par impirâi la vene cu la gusiele dal flebo (Amedeo Giacomini, Tal ospedâl)
3. s.f. aste o pivot di cierts aparâts, argagns e v.i., viôt gusiele de fiube , viôt gusiele dal tamon , viôt gusiele di cjar
4. s.f. (fig.) ce che al sponç, che al fâs mâl:  chês vôs che in altris moments no le varessin disturbade, cumò, te mancjance di pâs, a deventavin prepotentis. A jerin gusielis pal sintiment strac (Maria Forte, Cjase di Dalban)
5. s.f. fuee fine e spiçade des angustifoliis:  sot il so pas, si indurive une croste rusine di gusielis di peç (Maria Forte, La tiere di Lansing)
   Sin. fuee , riscle

Polirematichis e espressions idiomatichis

• a ponte di gusiele loc.adi.inv., loc.av.

Proverbis:

• gusielis di boton, gusielis di consolazion
• il fîl e la gusiele manten la puarele
• lis gusielis a puartin pinsîrs
• se si cjate une gusiele, si cjate pecots