gratade
/-tà-/
gra|ta|de
[CO]
-
s.f.
azion e risultât di gratâ, di tocjâ cuntune cierte fuarce e cuntun moviment lunc, ancje ripetût:
cjale di ca, cjale di là, a fîl a fîl… juste juste, dai che o passi… sbruuumf! Une gratade de bande çampe, a risi di incjastrâmi culì di no podê saltâ fûr! Ruvinade la machine! (Laurin Zuan Nardin, Il cop)
Sin. russade
-
s.f.
segn che al reste tune superficie par vie di une frizion
Sin. russade
Cfr. sfris
, sfrissade
, sgriade
-
s.f.
cuantitât di robe fate in fruçons o in tocuts gratant intune volte:
doi etos di sclopit, cuatri ûfs, une cevole piçule taçade par fin, pôc vueli e spongje, nole moscjade (une gratadute) (Giorgio Pascoli, Il litum. Jerbis salvadiis te cusine);
280 gr. di farine, 100 gr. di zucar, un got di rum e une gratade di scusse di limon (Margherita Timeus, Un Nadâl dolç dolç cui piçui scaletîrs)
-
s.f.
sun disarmonic o sunade disarmoniche:
al jes un sun come une gratade di crot (Dino Virgili, La aghe da pît la cleve)
