governadôr
go|ver|na|dôr
[AF]
-
s.m.
che, cui che al guvierne:
cjalait che Diu nol è un re; nol è un governadôr; nol è un sorestant. Diu al è come il mâr: no si viôt i confins (Francesc Placerean, Mai separâ la religjon de vite, Diu dal mont, l'om di Diu)
Var. guviernadôr
, governatôr
-
s.m.
alt funzionari che al à responsabilitâts di guvier suntun ciert teritori, cun podês e prerogativis precîs ma diferents daûr dal puest e dal moment storic:
"Che al abadi lui, comissari, che la mê famee e à amiciziis in grant e e rive adalt… adalt une vore. Che al sepi che il governadôr … al onore dispès la nestre cjase…" (Alviero Negro, Int di masnade)
-
s.m.
sorestant di une comunitât religjose
-
s.m.
diretôr gjenerâl di un grant istitût finanziari:
il governadôr de Bancje di Italie (Claudio Sangoi, La scomesse de gnove economie)