gobo
/gò-/
go|bo
[CO]
-
adi., s.m.
che, cui che al à la gobe:
un çuet, un cence dincj, un gobo cu lis cuestis dutis dadis dongje, e bruts di fâ pôre (Alan Brusini, I universitaris);
e disin che i gobos e son fortunâts (Vincenzo Luccardi, Florean dal Palaç, III, 51)
Sin. gobut
, gobit
, plet1
-
che, cui che al sta pleât injù:
e viôt Tin che al spessee a cjoli sù pomodoros, dut gobo e in cidin, cuntun zei (Meni Ucel, Mangjativis);
si tapone svelte la muse e torne a stâ gobe e e pree (Pieri Somede dai Marcs, Cjase di fitâ)
-
ancje di part dal cuarp, che e sta injù par deformazion o par posizion momentanie
-
ancje di plante, di part di plante o di cualsisei ogjet o struture, pleât o butât jù:
un len gobo (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.m.
piçule figure di un om cu la gobe, di meti intor cuintri de sfortune:
[i superstiziôs] ator il cuel e picjin / un gobo, un cercli, un cuar; / scontrant cualchi persone; son pronts a tocjâ fiar (Zaneto, O sin atorzio)
