ghet
/-è-/
ghet
[CO]
-
s.m.
borc risiervât ae popolazion ebraiche di une citât cristiane, regolât di normis e oraris par jentrâ e lâ fûr, ancje cun iniz. maiusc. tant che microtoponim:
i zugjôs dal ghet (Agnul di Spere, Messe di misdì a Varsavie);
li cjasis plui vielis, che formavin il vecjo ghet dai abreos, li ja fati sparî la ultima vuera (Ranieri Mario Cossâr, La anima diliberada);
tal timp di Pasca, che durava vot dîs (la sô naturalmentri), mi ricuardi che […] lavin tal Ghet par fâsi dâ bocons di «tilulela», che sarès una sorta di «crackers», senza sâl e senza feza (Luciano Spangher, Il Ghet)
-
s.m.
(estens., fig.)
strade strete:
[…] tai ghets dai borcs e des andronis di une volte (Dino Virgili, Dilunc il Cuar)
Sin. maran
-
lûc o ancje cjase cun pocje lûs e tante robe ingrumade in disordin:
o voi in cercje di cjase, ma chês che o ai viodût fin cumò o son masse cjaris par me o e son ghets (Giulio Andrea Pirona, Novo vocabolario friulano)
-
s.m.
(fig.)
situazion une vore limitade, sierade:
a corin il pericul di sierâsi intun ghet dulà che il mont al è nome chel che i fâs viodi la television taliane (Enos Costantin, Robis di no crodi)
