gatul
/gà-/
ga|tul
[CO]
-
s.m.
condot o pocit e bocje di pocit li che e cor vie la aghe o un altri licuit:
ise nancje une puce che e salte fûr dai gatui des stradis! [...] parcè mo si aial di lassâ sence tapon la buse dai gatui? (Guido Antonioli, Florean dal Palaç, I, 2);
e colà une montane di stropâ i gatui (Maria Forte, Il bal spisimât des ombrenis);
là dentri lui al steve rintanât, sence par altri scjafoiâsi, come une pantiane tun gatul (Alan Brusini, Amîs come prime)
Sin. pocit
, tombin
, fogne
-
canalut viert par fâ cori vie aghe o altris licuits
Sin. cunete
-
s.m.
passaç o condot sierât ancje parsore e strent, ancje no par licuits:
la muinie si distire par cjere par scjampâ fûr par un gatul, il morôs i da la man par judâle (Valentino Ostermann, Il convent di Sante Agnês);
si conte che dal vieri cjiscjelat si podeve lâ fintremai intal cjiscjel di Tresesin di scuindon, a traviers un gatul, une galarie sot tiere (Nin dai Nadâi, O ce biel cjiscjel - Cjiscjel di Cjassà)
-
s.m.
passaç strent, ancje no cuviert:
la Blancjade e jere un gatul di strade che e leave pes curtis, sot Cjampeon (Meni Ucel, I colaçs)
-
s.m.
(fig.)
situazion negative di li che al è dificil vignî fûr:
dopo altris bataiis, sul finî dal mês 2.500 alpins de Julie insieme cun chei de Tridentine a rivin adore di jessi fûr dal gatul (Pieri Piçul, Storie dal popul furlan)
