galete1
/-lè-/
ga|le|te
[AF]
-
s.f.
sorte di vuluç di bave induride che e pare i lepidotars intant de metamorfosi, in particolâr in riferiment a chel fat dai cavalîrs, che si dopre par otignî la sede, ancje sing. cun valôr coletîf:
Marchin al à let sul gjornâl che la galete chest an le paiaran mil e cinccent francs al chilo (Pieri Somede dai Marcs, Il prossim);
lis paveis […] a jerin dentri galetutis di vêl, in spiete dal lôr timp e impegnadis te grande fature di preparâsi il vistît di fieste (Franca Mainardis, Un bosc cence colôrs)
-
moment finâl te ativitât dal arlevament dai cavalîrs, cuant che si pues vendi:
di frutat, co si cjatave a vê i prins carantans te sachete, al faseve une cjocute ad an, su la galete (Josef Marchet, Lis predicjis dal muini)
-
s.f.
(fig.)
ce che al ten parât, protet:
i plaseve la ploie, e miôr ancjemò lis zornadis di fumate par sierâsi dentri come intune galete che le difindès di ducj, ancje di se (Maria Forte, La fie çuete);
o metarìn sù une galete di amôr ator di nô e chê galete nus tignarà sotet par simpri (Agnul di Spere, Chê dì che al neveà a Vignesie)
Sin. scus
Proverbis:
- no mangjâ la galete prin che a nassin i cavalîrs