gabine
/-ì-/
ga|bi|ne
[CO]
-
s.f.
in natants e velivui e in cualchi câs veicui, ambient sierât destinât ai pilotis o al ecuipaç o ai passazîrs:
il Shell si fermà su la strade grande, ret il puint, e al disè fûr de gabine [dal camion]: […] (Dino Virgili, La strade come un destin);
te gabine dal piçul aroplano, il pilot al cjalave fis tal scûr de gnot par viodi un cualchi segnâl (Roberto Ongaro, Il muc)
Var. cabine
-
part di un dispositîf di traspuart destinade aes personis:
a jerin restâts un pieç a drindulâsi te gabine [de teleferiche di Lussari], mediant che e veve mancjât la corint eletriche (Jolanda Mazzon, Cungjò Friûl )
-
s.f.
piçul ambient, in gjenar di materiâl lizêr, che al pues jessi destinât a plui funzions:
la sentinele, imbusade tune gabine di sacs plens di grave (Pieri Menis, Cemût che o soi restât caporâl)
-
piçul ambient sierât di paradanis par votâ tes elezions cence che altris a puedin viodi ce che si vote:
«Cussì jê e à di lâ te gabine che e àn parecjade te scuele e di cjapâ il lapis in man…» (Opa, Divorzio)
-
piçul ambient di li che si puedin fâ clamadis cuntun telefon public:
al surtì de grande gabine di len dal telefon public logade te ostarie (Roberto Ongaro, Cretevierte)
-
piçul ambient par cambiâsi in splazis o implants o par provâsi la robe tes buteghis:
pe strade, largje, a passavin nome int a pît, e di là de fereade al jere savalon blanc, gabinis e po la aghe dal mâr (Meni Ucel, A Grau)