fusion
/-òn/
fu|si|on
[AF, TS]
-
s.f.
fis.
passaç di un cuarp dal stât solit in chel licuit:
il Cjamp di Osôf al jere un antîc lâc periglaciâl, formât des aghis di fusion dal glaçâr Tilaventin (Luigina Di Giusto, Andrea Guaran, Mauro Pascolini, La culine furlane)
-
metal.
operazion o complès di operazions par fâ passâ un metal dal stât solit in chel licuit:
[Silvio Piccini] si è dedicât plui a lis sperimentazions des tecnichis de fusion (Bepi Agostinis, Storie de art in Friûl)
-
fis.
viôt fusion nucleâr
-
s.f.
il dâ dongje dôs o plui entitâts par fâlis deventâ une sole e il so risultât:
si metin cussì lis fondis pe fusion tra l'ospedâl "Sante Marie de Misericordie" e il Policlinic universitari (Redazion Radio Onde Furlane, Fusion plui dongje tra Ospedâl e Policlinic universitari)
Sin. union
