frenesie
fre|ne|si|e
[CO]
-
s.f.
(ancje iperb.)
stât di ecitazion patologjiche:
ne plui vive frenesie / plens il cjâf di congjeturis / fra sperancis e paùris (Toni Broili, La metamorfosi udinese dai 17 Març ai 24 Avrîl 1848)
-
s.f.
(fig.)
voie smaniose:
come se une frenesie i fos passade par dut il cuarp, si invie cuasi di corse viers i imprescj (Zuan Morsan, Il rôl);
une frenesie di grandece cence criteri (Angelo Floramo, Cuintristorie dal Nûfcent 2000-2010)
-
s.f.
(fig.)
cundizion di iperativitât o ativitât puartade indevant cun ritmis une vore alts e fis:
i lin daûr a pas svelt sù pes scjalis, dentri di un coridôr. E intant lui al conte la frenesie de sôs zornadis, par scusâsi de premure (Valentina Pagani, Diego Travan: de planure furlane al cîl di Dubai);
Distrà e je deventade la sô gnove cjase, lontan de frenesie e dal stress dal pendolarisim metropolitan (Daniele Martina, Vivi in Friûl, une sielte che e plâs)
Cfr. furôr