Dizionari de Lenghe Furlane

frecuence  /-èn-/  fre|cuen|ce  [AF]

1. s.f. il jessi frecuent, il tornâ plui voltis di un stes fat o element:  la frecuence di riferiments a Atile e a Aquilee e je li par mostrâ cetant impuartants pe storie furlane che a son stâts sevi il re Un, sevi la citât mari prime romane e po cristiane (Laurin Zuan Nardin, La saghe de tradizion orâl)
   Sin. continuitât , costance , iterazion , ripetizion
   Var. frecuenzie
2. s.f. numar di voltis che alc al torne a sucedi intune cierte dade di timp:  i cuadris de television a cambiin cuntune frecuence di 25 par secont (Valentino Castellani, La societât de informazion: cirint lis origjins)
3. s.f. [TS] fis. numar di ripetizions di un fenomen intune unitât di timp
   
   1. telecom. canâl individuât di une onde eletromagnetiche cuntun ciert numar di ripetizions al secont:  [Radio Onde Furlane] dongje dai 90 Mhz par un biel pieç e veve ancje i 100.800 Mhz, ma cheste frecuence e je stade vendude tor de metât dai agns novante (Max Mauro, Un Friûl difarent: i 90 mhz di Onde Furlane)
4. s.f. il frecuentâ, il lâ intun ciert puest o a di un ciert event:  no cate che la buine part di lôr e sedi za daûr a lavorâ, la frecuence e je avonde buine, ancje se no simpri i impegns ur permetin ai students di seguî ancje i laboratoris extracuricolârs (Serena Fogolini, A scuele di furlan. Cuant che a lezion a van i mestris)
   Sin. partecipazion
   
   1. il partecipâ intun ciert numar o in grant numar:  al è stât content de int di Gargagnà Disore, che in chestis fiestis e je «intervignude cun insolite frecuence a dutes les funzions» dissal lui, tal so dialet (Josef Marchet, Lis predicjis dal muini)