filtri
fil|tri
[CO]
-
s.m.
dispositîf che al lasse passâ fluits tignint particulis solidis, impuritâts, velens e v.i.:
a bassis pressions l'idrogjen e altris gas che si vegnin a formâ a son sfogâts traviers filtris di cjarbon di len che a assorbissin la grant part dai radionuclidis (Alessandro Pascolini, Il disastri de centrâl nucleâr di Fukushima Dai-ichi)
Cfr. draç
, tamês
-
piçul cilindri di celulose dai spagnolets, par stratignî lis particulis plui gruessis dal fum:
a jerin, tun pachet celest, spagnolets francês cence filtri che a intosseavin la int ancje dome tal sintîju puçâ (Ivano Urli, Il conducente)
-
s.m.
[TS]
fis.
aparât par selezionâ ciertis frecuencis di un segnâl che i passe dentri
-
med.
schermi doprât in radiologjie par fermâ lis radiazions di ciertis lungjecis di onde
-
s.m.
cinem., fotogr., telev.
dispositîf che si met denant dal obietîf par cjapâ une part dal spetri di lûs e otignî efiets particolârs:
pal disvilup des fotografiis si vevin di doprâ cognossincis di chimiche e fisiche par produsi lamps di lûs e messedâ i colôrs cui filtris (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
aplicazion o mudament di parametris che al permet di vê il stes efiet di chel dispositîf intai aparâts digjitâi
-
(fig.)
maniere di viodi o di considerâ che al interprete la realtât in maniere subietive:
chê realtât che lôr a crodevin tant divierse e che ur pareve cussì biele, cjalade cul filtri dal amôr e de fede te vite (Roberto Ongaro, Il muc)
-
s.m.
bevande che e à podês magjics:
[la strie] e passave par chei trois istès lant a cirî lis jerbis pai siei filtris e i siei bevarons (Carlo Sgorlon, Il dolfin);
mangjadôrs di fûc, zuculîrs, musiciscj medievâi e bancarelis che a vendin di dut, dai filtris di amôr ai cuars di vacje par sunâ come Rolant (Checo Tam, La maree nere)