feminîl
fe|mi|nîl
[CO]
-
adi.
di femine, tipic des feminis, fat pes feminis, costituît di feminis e v.i.:
la mancjance di interès pe bielece feminîl e pe sessualitât (Franc Fari, Il cjâf dai furlans);
e jere stade titolâr dal Ministeri de Istruzion e dal Ministeri pai Servizis sociâi e comunitaris, e ancje Ministre responsabile pes cuistions feminîls (Stefania Garlatti Costa, Sandra Pupatello, Ministre pal Disvilup economic e pal cumierç, Provincie dal Ontario);
a vignivin in Cjargne a cirî lavoranzie feminîl (Daniele Martina, For di Avoltri: une lungje storie di emigrazion feminine)
Sin. di femine
, feminin
-
ancje in riferiment aes mascjis di animâi e plantis e al lôr gjenar
-
s.m.
il jessi femine, dimension, identitât, cundizion che a derivin dal fat di jessi femine:
il feminîl sul scomençâ dal Cristianisim (Redazion La Patrie dal Friûl, Prossim incuintri)
-
s.m.
[TS]
gram.
gjenar gramaticâl di sostantîfs, adietîfs e pronons tes lenghis che a dividin in plui classis la categorie dal gjenar e lu metin in oposizion cul masculin o cul masculin e cul neutri:
se al dopro las vocâls cetant marcados cu la finâl dal feminîl in “o” al è di sigûr da Rigulât o dret da Ludario (Novella Del Fabbro, Il Culinot te relazion di pre 'Sef Scarbolo)
Sin. gjenar feminîl
, gjenar feminin
, feminin
-
che al à i caratars di chel gjenar:
sostantîfs che a son maschîi par talian e feminîi par furlan (Gotart Mitri, Rispietìn la marilenghe)