favolôs
fa|vo|lôs
[CO]
-
adi.
tant bon, biel, positîf, straordenari e v.i., che si somee cun ce che si conte tes flabis, che al somee impussibil, magjic e v.i., ancje in sens gjeneric tant che atribût di positivitât superlative:
se al ves studiât, al sarès stât dal sigûr un grant om di letaris, par vie de sô memorie favolose (Pierluigi Visintin, Friûl e furlans te Histoire de ma vie di Giacomo Casanova);
nol veve nostalgjiis ancestrâls o maluseriis par no jessi vivût intai agns favolôs che so pari e plui ancjemò so von a vevin laudât sicu i agns de pâs interiôr e de serenitât (Franca Mainardis, Grivôr)
Sin. meraveôs
, straordenari
, fantastic
-
s.m.
ce che al è carateristic des flabis, des contis di fantasie:
jerial pussibil? Sì che al jere. L'incredibil e il favolôs al jere simpri pussibil cui oms, il timp mal insegnave simpri miôr (Carlo Sgorlon, Il dolfin)
