familiâr
fa|mi|li|âr
[AF]
-
adi.
de famee, che si riferìs ae famee, che al sucêt te famee e v.i.:
la inclinazion viers chest branc dal pinsîr di sigûr e je stade influençade, oltri che dal ambient familiâr, […] dai studis tecnics che lui al à fat (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
salvâ une parence di pâs familiâr (Franca Mainardis, Aiar di cjase)
-
s.m., s.f.
persone che e fâs part de stesse famee di cdn., che e je in parintât:
lis letaris dai familiârs a vevin scrit par difûr, su la buste, VERIFICATO PER CENSURA (Checo Tam, La vuere di Checo);
la robe sigure, par me, e je che, te mê vite, o cjatarai simpri i miei familiârs pronts a dâmi une man (AAVV, Sul florî)
Sin. parint
-
adi.
fat pe famee o par une famee
-
adi., s.f.
automobil in version plui grande de base, plui lungje o cambiade di trê volums a doi
-
adi.
che al da sensazion di famee, di cjase:
lis ostariis gnovis, i ristorants fins a stan vignint sù modernis, pulîts, funzionâi fin che si vûl, ma cu la antighe filusumie cjalde e familiâr dai locâi furlans (Riedo Pup, I furlans e la ostarie)
-
ben cognossût:
al è familiâr il sun de sierande di metal de rimesse che e sdrondene sù (Spirt Anonim, Il piçul ream);
la confidence istintive che a produsin lis robis familiârs (Franco Marchetta, Madalene)
-
no formâl:
a son fermis aes bisugnis de semplice comunicazion familiâr e ordenarie, orâl e no scrite (Adrian Cescje, Memoriis di politiche linguistiche)
Polirematichis e espressions idiomatichis