falî
fa|lî
[CO]
-
v.intr., v.tr.
no otignî il risultât che si voleve:
puars mai nô se o falìn cheste prove (Josef Marchet, E cumò?);
[Crist] inte sô vite, dal pont di viste di ca jù, al à falît. I è lade mâl (Francesc Placerean, Nadâl nus fas capî che la storie e je plui profonde e biele di chel che e somee);
"… ma alore no va ben la educazion che o vin vude nô, che cumò o falìn tal tirâ sù i nestris fis" (Jolanda Mazzon, Cungjò Friûl)
Cfr. falâ
-
di alc, finî cence rivâ al obietîf volût:
[une norme di risierve] e vignarà tirade fûr nome tal câs che a vessin di falî dutis trê chês che a son in vore cumò (Riedo Pup, Lassaitle fâ la cjossule)
-
v.intr.
[CO, TS]
econ.
fâ faliment, finî intune cundizion negative di belanç che e oblee a sierâ une imprese cence rivâ a paiâ ducj i creditôrs:
epûr [l'industriâl] al falìs; e daspès ancje [...]: baste che a comencin a paiâi la robe mancul di chel che lui al à spindût a produsile (Riedo Pup, Jessi miliardaris e no savêlu);
al lavorave pe glorie di Diu e par chê de sô famee, ma la fabriche, daspò di un bon principi, e stave falint (Stiefin Morat, Adalt abàs)
-
declarâ faliment di pueste par no paiâ i creditôrs:
nol compre mai, nol vent / se nol bare un bon tiarç; / po, par robâ cun plui comoditât / dôs voltis l'à falît, ne lu àn picjât! (Pieri Çorut, Il Strolic furlan par l'an 1838)