Dizionari de Lenghe Furlane

fûs  fûs  [CO, TS]

1. s.m. tess. element lunc, di len o di altri materiâl, cun sezion taronde, plui fin li des dôs pontis, che al covente par filâ:  bagne il dêt la none in bocje, / trat a trat e sgorle il fûs (Emilio Nardini, Chê di Peonis); cui comedave i vistîts de canaie, cui gucjave, cui corletave, cui filave la cjanaipe fasint pirlâ il fûs a pendolon dal fîl che si slungjave simpri plui (Pieri Menis, Sot il puarti); il servidour al rivà da là un pôc cul spiçot, il fûs e la lana che la mari a veva lassât (Novella Cantarutti, Il spiçot)
   
   1. ancje tant che tiermin di paragon par alc o cdn. che al è dret o svelt:  si metin plui in mostre, drets come fûs (Sandri Di Suald, Ah! la provincie)
      Cfr. bachet , pichet , fuset , fusete
2. s.m. viôt fûs orari :  o soi stât daûr aes videolezions ancje se cun 7 oris di fûs, e o ai preparât l'elaborât finâl (Floriana Bulfon, La maturitât ai timps dal Covid)

Polirematichis e espressions idiomatichis

• fâ fûs loc.v.
• fûs orari loc.s.m.

Proverbis:

• daspò cjapât sù trê voltis il fûs a une fantate, si sclape la fave
• grant il fûs, grant il plomp
• Març un fûs a sfuarç