Dizionari de Lenghe Furlane

fâ i pulçs    [CO]

1. loc.v. notâ e fâ notâ cun tante severitât i difiets di cdn. o di alc:  une des oparis plui bielis di pre Bepo Marchet a son lis "Letaris ai furlans" li che al fâs i pulçs e al sburte i furlans a jessi «parons di se stes» (Redazion La Patrie dal Friûl, Letaris ai furlans)
2. loc.v. scrupulâ cence discrezion sui afârs e in particolâr sui bêçs di cdn. altri:  mi tachi cun trê cuatri a mormorâ / si fâs i pulçs ae borse di siôr Toni, / si fevele di cuchis di Semproni, / del lus di siore Bete, / de borie di Zanete (Pieri Çorut, La mê vite di citât)

Components:

• fâ v.tr., s.m., v.intr.
• pulç s.m.