esplorâ
es|plo|râ
[AF]
-
v.tr.
visitâ un puest, une regjon, un teritori e v.i. par scuvierzi dutis lis sôs carateristichis:
un libri, par biel che al fos, nol podeve competi cu la mê voie di esplorâ la valade (Carlo Sgorlon, Il dolfin);
l'ordin al jere chel di esplorâ il teritori dal nemì (Angelo Floramo, Ricart e Gjenio, furlans cuintri in non di chei altris)
Sin. perlustrâ
-
(fig.)
ancje riferît a alc che si pues assimilâ a un lûc, ma che nol à une dimension spaziâl:
il plui potent dai motôrs di ricercje nol esplore plui dal 16% de Rêt (Mario Turello, Il brevet)
-
v.tr.
cirî di cognossi, di savê o ancje di capî se alc al è vêr, pussibil e v.i.:
un timp par esplorâ la propie anime, ma ancje il propi timp e il propi mont (Antoni Beline, Un timp par ricreâsi);
esplorâ la pussibilitât che tai concors pe assunzion di gnûf personâl e vegni previodude la cognossince de lenghe furlane (Donato Toffoli, Relazion dal Grup di lavôr "Planificazion linguistiche")
Sin. indagâ
, investigâ
, sondâ
, tastâ
, esaminâ
, scrutinâ
Var. splorâ