empori
/-ò-/
em|po|ri
[CO]
-
s.m.
buteghe che e vent un pôc di dut:
sô mari Nene e il pari Pieri, vie a Codroip tal empori, li di gno copari Danilo, a comprâ il vistidut pal frut, par lôr e pe sûr Gjisele (Angelo Covazzi, La pinitince)
Cfr. buteghe
, bazâr
-
s.m.
citât che e à une funzion comerciâl impuartante:
Aquilee e sarà stade une specie di empori ancje prime [dai romans], sence, ben intindût, avê la importance che i vignì dopo (Anonim, La storie dal Friûl)
Sin. marcjât
-
s.m.
grande cuantitât di marcjanzie o di robe in gjenerâl:
in Place disore al jere il paradîs de canaie: campanelis, sivilots, boçutis, cjavaluts di tiarecuete: dut un empori (Osiride Secco dai Juris, Lis antighis sagris di Tarcint)
Cfr. marcjât
-
grande cuantitât di personis, puest dulà che e je tante int:
chel ufici al è un empori (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
