eletricitât
e|le|tri|ci|tât
[CO, TS]
-
s.f.
fis.
proprietât de materie di atrazion e repulsion di cjariis negativis e positivis e complès di fenomens leâts a chê proprietât:
lusôr a spandin ancje ciarts cuarps impregnâts di eletricitât, e mitûts in particolârs condizions (Giuseppe Ferdinando del Torre, Il contadinel. Lunari par l'an 1865);
R. Ohl, un tecnic de societât telefoniche Bell […] nol saveve nuie di Volta e di cetant che al à vût ce dî barufant cun Luigi Galvani su la origjin de eletricitât animâl e artificiâl (Lorenzo Marcolini, Lis celis organichis nanostruturadis)
-
s.f.
passaç di eletrons traviers di un condutôr, doprât tant che energjie par fâ funzionâ motôrs, aparâts, lampadinis e v.i.:
[la dighe di Crosis] e à furnît a Udin la eletricitât (Angelo Floramo, Cuintristorie dal Nûfcent 1900-1910)
Sin. eletric
, fuarce eletriche
, corint
, corint eletriche
-
s.f.
(fig.)
cundizion di ecitazion, di tension, di gnervôs, di spiete e v.i.:
e je cetante eletricitât tal aiar culì a Radio Onde Furlane, il diretôr mi da dai ordins. A son lis solitis incombencis di cuant che une manifestazion impuartante e je li par tacâ (Mauro Missana, Musiche a dute fuarce)
