dodis
/-ò-/
do|dis
[FO]
-
s.m.
numar che al corispuint a une desene e dôs unitâts e segn che lu rapresente
-
adi.num., pron.num.
in cuantitât di une desene e dôs unitâts, ancje cun valôr sostantivât o cun sostantîf sotintindût:
la taule e jere simpri improntade par dodis: lis trê frutis, i gjenitôrs, trê agnis, trê barbis e un famei (Cristina Noacco, Faliscjis);
dodis oris di viaç e o sarès rivât a Gjenue par imbarcjâmi (Enrico Martina, Ricuarts e inlusions)
-
ancje cun valôr di ordenâl o identificatîf intune serie o intune categorie:
Carlo dodis, sintât sul so bagai, / che al da un pont ai stivâi (Pieri Çorut, Tamburade II)
Sin. decim secont
-
s.m.
soredut tal pl., dì decime seconde di un mês:
o passavi dute la zornade dal dodis di Dicembar intune sospension indorade e plene di dutis lis spietis (Carlo Sgorlon, Il dolfin)
-
an decim secont di un secul:
"Di ce classe sêstu?" al domandave chel altri par dute rispueste. "Dal dodis." (Gianni Gregoricchio, Îr e doman)
-
s.f.pl.
[BF]
spec. in espressions une vore precisis o formâls, burocratichis e v.i., ore che e segne la metât de dì, pal solit scrite cun numars:
il notiziari des 12.00
Sin. misdì
-
ore che e segne il finî di une zornade e il tacâ di une altre:
a lis nûf si distude la lûs, / a lis dîs si distire i pîts, / a lis undis si dîs de profundis, / a lis dodis si clame dongje i demonis (Zuan Nazzi Matalon, Ottorino Burelli, Sacheburache)
-
adi.num., s.m.
ancje in riferiment a diviersis misuris che si puedin capî dal contest:
clostris a la romane di fier taront di dodis e cu lis arpetis cui bulons passants [cun riferiment ai milimetris] (Roberto Ongaro, Cretevierte);
un armarut a veris cun dentri doi doplis di cjace, un dal dodis e un dal sedis e un ugnul dal trentedoi [cun riferiment al calibri] (Roberto Ongaro, Cretevierte)
-
s.m.pl.
(par anton.)
ancje maiusc., i apuestui di Crist:
Jacum apuestul, un dai dodis clamâts di Jesù, fi di Zebedeu e fradi di Zuan (Antoni Beline, Sant Jacum, là che al finìs il mont)