disviâ
dis|vi|â
[CO]
-
v.tr.
fâ lâ di une altre bande, par une altre strade o par un altri percors:
a disin che [Atile] al sedi muart chi e che par sepulîlu il so esercit al vedi disviât un flum (Sandri Carrozzo, Friûl di Magance)
Sin. distradâ
-
v.tr.
fâ procedi un acjadiment, une dinamiche, une logjiche e v.i. in maniere diferente di chê previodude o inviade, di chê normâl o di chê juste:
la burocrazie […] e po fermâ e disviâ ogni sfuarç, ogni sburt, ogni volontât e ogni iniziative dal guviar (Josef Marchet, La scrassigne);
e pensà subite che no veve di sbrocâsi cun sô mari, nol jere il câs, ni il moment just. E disvià biel svelte il discors (Jolanda Mazzon, Fûr di timp)
Sin. distradâ