distilâ
dis|ti|lâ
[CO]
-
v.tr.
[BF, LE]
fâ colâ o disfâ a gote a gote:
[la Primevere] lis nêfs distile (Toni Broili, Il lunari furlan cun diviars trucs par l'an 1846)
-
v.tr.
otignî une sostance fasint evaporâ la part licuide di une sostance di partence e dopo fasint condensâ il vapôr, in mût di selezionâ, midiant de temperadure, lis parts che a interessin:
a vevin pestadis lis jerbis de salût tal mortâr di leton e distilât bevarons in lambics e stuartis di ram (Carlo Sgorlon, Ombris tal infinît)
Cfr. lambicâ
-
(ancje ass., par anton.)
fâ sgnape o altris superalcolics:
«A Cjabie o vin simpri vude la tradizion di distilâ, in particolâr la mê famee le à simpri tramandade tai agns. Prime si faseve cul lambic e dopo gno pari al à comprât il prin implant di distilazion […]» (Marta Vezzi, Fâ sgnape a Cjabie)
-
v.tr.
(fig.)
fâ alc cun cure, a planc, selezionant e concentrant il miôr e lassant il rest
-
fâ alc in piçule cuantitât ma cun buine cualitât:
Catine e tache a scrivi tradusint dal todesc e distilant articui di critiche su atris scritôrs par passâ in curt a invenzions personâls (Domeni Zannier, Caterine contesse di Percût e la sô olme te leterature ladine dal Friûl)
