disonorâ
di|so|no|râ
[CO]
-
v.tr.
fâ pierdi l'onôr, il rispiet sociâl:
"Ma chest al è sporcjâ il nestri non, disonorâ il cjasât…" (Alviero Negro, Strumîrs e Çambarlans)
Cfr. ofindi
, sporcjâ
, maglâ
, vilipendi
-
v.tr.
no tignî la peraule, no onorâ une promesse:
"Vê par simpri la infamie di vê disonorade la peraule zurade ai amîs?" (Alviero Negro, Int di masnade)
-
v.tr.
meti une persone, soredut une fantate, in cundizion di jessi considerade imorâl, daûr des normis tradizionâls, par esempli cun relazions o gravidancis prime dal matrimoni o fûr dal matrimoni:
"E po, vâstu vadì a domandâi a chê fantate di deventâ la tô mantignude o di deventâ la tô spose? Intindistu di disonorâle o di dâi un non, un marît e une famee?" (Roberto Ongaro, Cretevierte)
