dipendence
/-dèn-/
di|pen|den|ce
[AF]
-
s.f.
leam di sudizion, rapuart li che cdn. o alc nol à autonomie ma al pues agjî dome sot de autoritât o cu lis risorsis di cdn. altri o di alc altri:
al gjoldeve de dipendence che lu lassave par ogni decision tes mans di chei che a vevin di tignî cont di lui (Amedeo Giacomini, Tal ospedâl);
Vignesie e clamave jutori cuintri dal Friûl che al voleve gjavâsi des sôs dipendencis e fâ une regjon di bessôl (Josef Marchet, Sot di nissun)
Sin. sotanance
, sudizion
Var. dipendenzie
-
s.f.
[TS]
med., psic.
dibisugne fisiche o psichiche che no pues jessi stratignude:
par gjavâsi de dipendence dal tabac si pues contâ ancje su la poie di professioniscj e esperts (Guglielmo Pitzalis, Stude i spagnolets!);
prime si scomence [a bevi] e plui alte e je la probabilitât di inmalâsi e di colâ te dipendence (Elena Zanussi, Alcolisim, la dimension dal probleme)
-
s.f.
[TS]
gram.
relazion sintatiche di subordenazion
-
s.f.
[TS]
mat., fis.
leam tra grandecis e funzions:
altris proprietâts interessantis a son il bas rumôr di fonts e la dipendence di proporzionalitât strete fra la intensitât di lûs e la intensitât di corint eletriche (Lorenzo Marcolini, Lis celis organichis nanostruturadis)
-
s.f.
edifici secondari di un complès:
un palaç cun dutis lis sôs dipendencis (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
