da cjâf di
[AF]
-
loc.prep.
par segnâ la posizion di alc a ret di dulà che al sta il cjâf:
e jo par intant lu metarai tal fresc [il sclopon] da cjâf dal mio jet ta taçute sot dal cuadri da Madone (Dolfo Zorzut, La furlane)
Sin. a cjâf di
-
loc.prep.
par segnâ une posizion estreme tal spazi, tal principi, te fin, adalt, inlà e v.i.:
none Lise, sentade da cjâf de taule, e cjalave cun gust l'arint che al slusive su la tavaie e no i someave nancje vêr che la camarele - grumâl blanc e creste inriçade - i domandàs ce che i plaseve di mangjâ (Maria Forte, Cjase di Dalban);
no se imagjinave di cjatâsal juste da cjâf de rive dal cjistiel di Colorêt (Gianni Gregoricchio, Trê feminis)
Sin. a cjâf di
-
loc.prep.
par segnâ une posizion estreme tal timp, tal principi o te fin:
un Bidin dai Bas, da cjâf dai secui là, al menave il vin di cjase Antunine a Udin là «dal Poç» o dal «Padoan» o ai «Trê Amîs» (Dino Virgili, La aghe da pît la cleve)
Sin. a cjâf di
-
dopo passât un ciert tiermin di timp:
se da cjâf di dôs setemanis nol cjatave un lavôr, i restave dome di là pes stradis a cirî (Carlo Sgorlon, Prime di sere)
-
loc.prep.
par segnâ une posizion di comant o di responsabilitât:
da cjâf de bande al jere un ciert Laurinç Marchet cognossût par Miôl, che al devi vê parintât vive inmò, là sù (Riedo Pup, Gran Dio benedite l'Italia)
Sin. a cjâf di
-
loc.prep.
par segnâ une relazion di origjin, di cause:
il confront cu lis lenghis d'oc e d'oïl nus consee di viodi, da cjâf di cheste dimorfie ca, la declinazion (Zorç Cadorin, Cualchi ipotesi sul furlan di prin di scrivilu)
Sin. a cjâf di
Components: