Dizionari de Lenghe Furlane

a cjâf di    [AF]

1. loc.prep. par segnâ la posizion di alc a ret di dulà che al sta il cjâf:  chel cuadri de Madone a cjâf dal jet (Dolfo Zorzut, La furlane)
   Sin. da cjâf di
2. loc.prep. par segnâ une posizion estreme tal spazi, tal principi, te fin, adalt, inlà e v.i.:  e cussì fintremai a cjâf dal mont (Dino Virgili, La aghe da pît la cleve); gno pari al jere là sù a cjâf de taule (Meni Ucel, Il telegram)
   Sin. da cjâf di
3. loc.prep. par segnâ une posizion estreme tal timp, tal principi o te fin
   Sin. da cjâf di
   
   1. dopo passât un ciert tiermin di timp:  ven a stâi che a cjâf di un mês jo o soi vuarît (Alan Brusini, Il malât di Cime Undis)
4. loc.prep. par segnâ une posizion di comant o di responsabilitât:  la int e jere dividude in dôs clapis cun a cjâf di ognidune un bergheladôr (Tarcisio Venuti, La cjase di Toni)
   Sin. da cjâf di
5. loc.prep. par segnâ une relazion di origjin, di cause:  alore privazion, erôr, vizi nol è altri che mancjance di bontât, di virtût, di veretât, che a son a cjâf di dut come fontane che no si suie (Pieri Piçul, Vieri e gnûf)
   Sin. da cjâf di

Components:

• cjâf s.m.