cumbinât
cum|bi|nât
[AF]
-
p.pass., adi.
viôt cumbinâ
, viôt cumbinâsi
Var. combinât
, cuminât
-
adi.
che al è insiemi cun alc altris, spec. in maniere armoniche o in maniere di produsi un ciert risultât:
il fosfar intune di cheste forme, probabilmentri cumbinât cul arsenic, al vignive doprât par produsi une flamade di lûs (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
-
che al compuarte o al risulte di plui fatôrs che si zontin:
studiâ l'efiet cumbinât di fibris e tele o rêt (Alessandro Bachiorrini, Maltis armadis pes struturis dal tierç mileni)
-
adi.
che al è vistût intune cierte maniere o che al à un ciert aspiet o che al è in ciertis cundizions:
emicraniis tremendis i sclopavin di colp e jê e scugnive fassâsi il cjâf cun turbants improvisâts. E zirave par cjase cumbinade in chel mût (Carlo Sgorlon, Ombris tal infinît);
a jerin lôr, cjocs in bale, cul cjapiel su lis trentetrê, il fusîl cu la cane par jù e il zaino flap e mâl cumbinât (Pieri Menis, Cemût che o soi restât caporâl)
-
adi.
che al è aromai ben inviât o za rivât a un bon risultât:
une crôs fate cul stombli de scorie tal pulvin de strade denant de vacje e l'afâr al jere cumbinât (Alan Brusini, Par stradis lungjis)
-
adi.
che al è il risultât di alc che al è stât acuardât prime:
al jere stât un matrimoni cumbinât (O. Zete, La promesse)
-
di alc di trucât, che il risultât al jere za decidût prime:
une partide cumbinade