cucuc
/-ùc/
cu|cuc
[CO]
-
s.m.
[CO, TS]
ornit.com.
uciel grîs e blanc cu la code lungje, che al fâs l'ûf tal nît di chei altris uciei, lat. sient. Cuculus canorus:
al cjante il cucuc di Viarte (Dino Virgili, La aghe da pît la cleve);
tal bosc al cjantà il cucuc e po i arbui a començarin a florî (Jolanda Mazzon, La cjase te glerie)
Sin. cuc1
-
fonosimb., s.m.
viers fat di chel uciel o di orlois che a sunin come che al cjante chel uciel e che a àn un mecanisim che ogni volte che a sunin a fasin vierzi une puartute e a fasin vignî fûr un pipinut che al à forme di uciel:
ju domandin […] se il cuc fâs ancjemò cucuc (Luigi Gortani, Al marcjât di Vile);
«Cucuc… Cucuc… Cucuc…» al cjantà un orloi (Maria Forte, La tiere di Lansing)
-
s.m.
orloi che al sune come che al cjante chel uciel e che al à un mecanisim che al fâs vierzi une puartute e vignî fûr un pipinut che al à forme di uciel
-
mecanisim di orloi che al fâs vierzi une puartute e vignî fûr un pipinut che al à forme di uciel:
eco finalmenti che l'orloi al si dismôf e si distint prime une suste, la suste dal cucuc, e po si sint a discjariâsi di galop ciertis aruedis inruzinidis (Giovanni Gortani, La teme - Une gnot intun cjastiel)
-
inter.
esclamazion par dî che alc al è o al sarès impussibil:
"Anìn, distrighiti, che jo no ai timp di butâ vie daûr di te." "Cucuc! Se vês presse, corit, che la strade è vierte." (Luigi Gortani, Meni Fari);
"Se no fos par siore Mariute, cucuc! no mi viodaressin sigûr di chestis bandis!" (Ercole Carletti, Mariute);
i cjaçadôrs dal paîs a cirivin di no pandi mai nuie, se no… cucuc che a rivavin a puartâ cjase alc (Angelo Covazzi, Une binidizion particulâr)
Sin. nancje par insium
, nancje par prossim
, nancje par ideis
, nancje par sium
, nancje muart
, nancje par scomesse
, nancje par ombre
, nancje par impens
, come magari
, nancje par impensament
, nancje pal as di cope
-
s.m.
[CO, TS]
bot.com.
jerbe cun rosutis celestis, lat. sient. Veronica persica:
tal mieç a vuglinin lis violutis blancjis, il blu dai cucucs e il blanc da lis margaritutis (Maria Minin Durat, Il gno pradut in timp di Viarte)
Sin. voli de madone
, voglut de madone
