cuaresime /-ré-/ cua|re|si|me [CO, TS]
-
s.f.
religj.
ancje cun iniz. maiusc., te religjon cristiane, dade timp di cuarante dîs, che e tache de Cinise, li che si à di fâ pinitince e di no mangjâ cjar, in preparazion de Pasche:
fra lis altris si dîs che i cjargnei il prin di cuaresime e picjin in cusine un sardelon, e là ogni dì ducj chei de famee a un a un, come cuant che si va ad ufierte a bussâ la pâs, e tocjin la polente (Luigi Gortani, Al marcjât di Vile);
"Anìn po vie! … No sin mingo in cuaresime, savêso? … Pensarês doman a fâ pinitince!…" (Arturo Feruglio, L'ultin di carnevâl là di Plet)
Var. coresime , cresime2 - s.f. teatr. personificazion di chê dade di timp, che dispès e fevele in contrascj teatrâi cun Carnevâl: la int di Remanzâs si cjatave in place par viodi i doi cjars di Carnevâl e di Cuaresime e par scoltâ i doi personaçs che, cun ironie e spirt si cjolevin vie (Raffaele Serafini, La Mascarade di Remanzâs)
- come che al va l'ultin di carnevâl e il prin di cuaresime, a va dute la cuaresime
- cuant che il pari al fâs carnevâl, i fis a fasin cuaresime
- cui che no lis à fatis di carnevâl lis fâs di cuaresime
- une volte carnevâl, une volte cuaresime