cualchidun
/-ùn/
cual|chi|dun
[FO]
-
pron.indef.
dome sing., persone no specificade o piçul numar di personis:
di râr si viôt ca e là cualchidun bessôl o cui nemâi pe campagne, di une bande e chê altre de strade (Ivano Urli, Storie di Vera);
a stan a cjalâ, cu lis mans te sachete, pensant che, se il mont si strucje, cualchidun lu dreçarà (Josef Marchet, Preambul rusin)
Sin. un1
Var. calchidun
, cucudun
, alchidun
-
pron.indef.
dome sing., cun complement partitîf esplicit o implicit:
o sai che plui di cualchidune des mês cognossincis e ridarès a mieze bocje se ur disès une robe dal gjenar (Gianni Gregoricchio, Trê feminis);
cualchidun di lôr al è ancje stât om di partît, ben inserît te vite sociâl dai nestris paîs (Angelo Floramo, Cuintristorie dal Nûfcent 1990-2000);
chei zovins a son cressûts, a son partîts, cualchidun al è tornât e cualchidun nol à podût (Cristina Noacco, Faliscjis)
-
cun daspò "altri", "altre":
par buine part des soluzions proponudis di Carrozzo no fo nancje discussion, stant che a jerin soluzions za acetadis inte pratiche e che a funzionavin ben di tant timp. Par cualchidune altre si rivà ancje a votazions (Adrian Cescje, Memoriis di politiche linguistiche);
se lôr no àn flât o no àn cjâf o no àn fiât par fâsi sintî, bisugnarà pursì che al tachi a sberlâ cualchidun altri (Josef Marchet, I siops)
-
pron.indef.
dome sing., une persone impuartante:
intant lui al jere cualchidun, pal moment e, fin pôcs mês prin, nissun nol saveve nancje che al fos stât in chest mont (Roberto Ongaro, Il muc)
Polirematichis e espressions idiomatichis
Proverbis:
- une volte si je fâs a ducj, dôs a cualchidun, trê a dinissun
