Dizionari de Lenghe Furlane

crotâr  cro|târ  [CO]

1. s.m. cui che al cjape crots, par mangjâju o par vendiju
   
   1. sorenon di chei di Borc di Graçan a Udin o di altris paîs o borcs dulà che e je tradizion di mangjâ crots:  Udin: sagre dai crotârs in borc di Griçan (Redazion SFF, Il Strolic furlan pal 1925); tancj cjâfs e tantis opinions, / al diseve un crotâr di Cjesteons (Toni Broili, Il Lunari furlan cun diviars trucs par l'an 1849)
2. s.m. [CO, TS] ornit.com. uciel de famee dai Ardeidis, cun bec lunc e spiçât, çatis lungjis, plumis di colôr maronit a maglis, che si sconfondin cul colôr dal palût, lat. sient. Botaurus stellaris
   Sin. pescjecrots , pescjecrote , tarabûs , palpecrots
   
   1. uciel de famee dai Ardeidis, colôr grîs, brun, cuntune striche nere che e va dilunc dal cuel, lat. sient Ardea purpurea:  tai rivocs si lumave il smalitâ di cualchi trute e i crotârs a çatavin plens di gracie sul pantaniç de rive (Raffaele Serafini, Soreli jevât a mont)
      Sin. pescjecrots , airon
   2. viôt cicogne
3. s.m. puest plen di crots o dulà che si tegnin tancj crots