cotule
/-ò-/
co|tu|le
[FO]
-
s.f.
toc di vistiari di femine di divierse forme e lungjece che al tapone il cuarp de vite injù, ancje pl. par volê dî un sôl toc:
e veve […] lis scarpis cul tac e la cotule che i taponave a pene il zenoli (Carlo Sgorlon, Prime di sere);
e screà la cotule e la gjachetine gnove che la sartore i veve puartât propit la dì denant (Maria Forte, La tiere di Lansing);
lis sôs cotulis a pleis i cjarinavin lis gjambis co si voltave par lâ jù pes scjalis (Alan Brusini, Gian Paolo Linda, I forescj)
Sin. cotul
-
s.f.
(fig.)
ancje spres., ancje pl., simbul de personalitât o ancje de autoritât di une femine, o ancje di alc che al pues jessi imagjinât tant che une femine:
no mi imagjinavi che voaltris doi si platassis daûr des cotulis des feminis (Gianni Gregoricchio, Trê feminis);
tu sês fi di siôrs tu… ma cence bêçs… tu sês sot des cotulis di tô mari come un poleçut sot de vuede (Pieri Menis, Chei di Muraie);
cui si tache daprûf des cotulis sbridinadis di Rome, cui spalanche i braçs de bande di Mosche, cui si lasse puartâ indenant da la aghe gruesse cence fâ nuie (Josef Marchet, Siarâ i voi par no viodi)
-
femine:
dopo un cuart di ore di ostarie, nol à di viodi cotulis, se no nissun lu ten: […] lui ur cor daprûf dal moment (Josef Marchet, Lis predicjis dal muini);
si viôt che no tu sês bon di stâ cence une cotule (Pieri Somede dai Marcs, Barbane)
-
s.f.
(spres.)
toc di vistiari vistît lunc, che al cuvierç la part dal cuarp de vite injù, ancje no di femine:
tu sês sot lis cotulis dai predis (Pieri Piçul, Vieri e gnûf)
Polirematichis e espressions idiomatichis