cordon
/-òn/
cor|don
[AF]
-
s.m.
spali avonde grues o cuarde plui o mancul fine, pal solit di coton o di sede colorade, doprade par leâ vistîts, par furniment o par lavôrs di tapeçarie o par cualsisei altri ûs:
la Lise e paiave cul judâle in dut; parfin a tirâi i cordons dal bust (Maria Forte, Cjase di Dalban);
e leieve la «Filotee» cui ocjâi impirâts sul nâs e leâts cuntun cordon neri ator dal cuel (Pieri Menis, Agne Ursule);
centurions de milizie cun acuilis di arint e aur, fassis e cordons di ducj i colôrs (Sergio Rebuson, I crostui)
Var. curdon
-
cuarde doprade tant che cinture o tant che furniment di fraris, muiniis e predis:
al leve cjalant un canai sui trê agns che al zuiave dongje il poç, vistût di frari: la tonie maron, il cordon blanc (Alan Brusini, Par stradis lungjis)
-
s.m.
cjadenute di metal, pal solit preziôs:
e passà pal cjâf il cordon cul perusin di aur che Zuan i veve puartât te Sierade, e po e saltà fûr a spietâ il caretin di Ustin Bracent par lâ a Udin cun lui (Maria Forte, La tiere di Lansing);
une casselute plene di anei, veris, pontepets, rincjins, braçalets, golainis e cordons, dut di aur (Pieri Somede dai Marcs, La Madone dai siet dolôrs)
-
s.m.
(fig.)
cualsisei robe o element che al vedi une forme lungje che e ricuarde chê di une cuarde:
il tuessin dal palût che si slungjave fin al cordon lontan dai nûi (Stiefin Morat, Kebar krossè)
-
s.m.
schirie di personis o di elements cun funzions di control:
un cordon di pulizio, vignudo sù a puesto di Tumieç, e impedivo di svizinâsi imò (Fulvio ReddKaa Romanin, Geologicamente impossibile)
-
s.m.
[TS]
anat., bot.
orghin flessibil o struture anatomiche fibrose in forme di cuarde
-
s.m.
[TS]
numism.
ôr dentelât di une monede
Polirematichis e espressions idiomatichis