conzelâ
con|ze|lâ
[CO]
-
v.tr.
sbassâ la temperadure di alc sot dal zero, in mût che la aghe si trasformi in glace:
se o cjolês un folp fresc, netaitlu de robe di dentri e conzelaitlu: in cheste maniere la cjar e sarà plui tenare, cence vê di batilu, po dopo disconzelaitlu tal frigorifar (Sandri Carrozzo, Polbo á feira - Folp a la galiziane)
Cfr. glaçâ
, inglaçâ
-
v.tr.
(fig.)
fermâ dal dut une ativitât, une dinamiche, une risorse, un invistiment e v.i.:
logjichis di basse buteghe a smirin vuê a conzelâ il dibatiment (Christian Romanin, Il valôr di Aquilee al è vuê, te cussience di une identitât);
la Regjon Autonome Friûl - Vignesie Julie, di prionte, e à conzelât 120 milions di garanziis par une opare plurimiliardarie, ancjemò cence une adeguade cuviertidure finanziarie (Fulvio Mattioni, Il futûr dal Friûl: laude ae "no sotan" economy)